L-imhabba x’inhi…? Mistoqsija maghmulha minn hafna nies li ’mpossibli issib twegiba wahda ghaliha, ghax kulhadd jesperjenzaha b’modi u f’waqtiet differenti tal-hajja.

L-imhabba hija mizrughha fil-qalb ta’ kull bniedem u tikber bil-mod. Din l-imhabba trid tissaqqa kontinwament, minn persuni li jaqsmu mal-ohrajn mill-istess imhabba li jkunu ircevew huma. Meta persuna dduq l-imhabba vera, ma tistax izzommha ghaliha, ghax thoss il-bzonn li taqsamha ma haddiehor. Din ix-xewqa li jkun mahbub u li jhobb qeghda fil-qalb ta’ kulhadd.

L-imhabba trid tinbena fis-sod u biz-zmien. Biex wiehed jasal li jhobb lil persuna ohra, irrid jibda billi jsir jaf lil din il-persuna, u iktar ma wiehed jinsa lilu nnifsu, iktar ikun jirnexxielu jhobb. Jekk naghtu harsa lejn il-vokazzjonijiet, nindunaw li kull vokazzjoni hija msejsa fuq dawn iz-zewg elementi principali: l-imhabba, u l-ghotja taghhom infushom. Kemm fil-vokazzjoni taz-zwieg, kif ukoll tas-sacerdoti, sorijiet jew lajci mpenjati, ilkoll irid ikollhom l-imhabba u l-ghotja taghhom infushom fil-fond ta’ qalbhom.

Qawl taljan jghid: ‘non ce rosa, senza spine’. Bhal ma warda sabiha tista tniggez bix-xewk taghha, hekk ukoll l-imhabba. L-imhabba hija ferm sabiha, imma taf twegga’ meta taghraf thobb minghajr ma tistenna xejn lura. Madre Tereza kienet tghid: ‘Love until it hurts’, u lkoll nafu kemm din tinvolvi sagrificcji kbar! Fiz-zwieg, kemm-il darba l-genituri ikollhom jiccahdu minn affarijiet biex jaraw lil uliedhom ahjar, u l-akbar ghafsa ta’ qalb tal-genituri tkun meta uliedhom ma japprezzawx dak li ghamlu ghalihom, u sahansitra jabbandunawhom jew iduru kontrihom. L-istess jigri mas-sacerdot, li jkun offra hajtu biex iwassal lil Kristu ghand l-ohrajn, u minhabba li jkun daghjjef, ta’ bniedem bhal ohrajn li hu, xi nies iduru kontrih u kontra l-Knisja.

Kieku kellha ssir lista’ ta’ nies li weggghu, jew qed iweggghu minhabba li l-imhabba li juru, din zgur ma tispicca qatt. Taf tkun facli li nies bhal dawn jinterpretaw l-imhabba b’mod ikrah u negattiv, minhabba n-nuqqas ta’ mhabba vera u sinciera li kellhom f’hajjiethom. Pero San Pawl jaghmlilna kuragg, fl-ittra tieghu lil Korintin, meta jghid: ‘M’hemmx imhabba aqwa minn din li wiehed jaghti hajtu ghal hbiebu! L-imhabba taf tistabar u thenn, l-imhabba m’hijiex ghajjura, ma tintefahx biha nnifisha, ma titkabbarx fuq l-ohrajn, ma tixtieqx dak li mhux xieraq, ma tfittixx dak li hu taghha, xejn ma tinkorla, ma zzommx f’qalbha ghad-deni, ma tifrahx bl-ingustizzja imma tifrah bil-verità, kollox taghder, kollox temmen, kollox tittama, kollox tissaporti, l-imhabba ma tintemm qatt.’ (1 Kor 13:8)

Jekk ilkoll nimxu fuq dawn l-kwalitajiet ta’ l-imhabba, zgur li l-imhabba vera tikber fostna!

Meta xi hadd iweggaghek b’xi azzjoni hazina li jkun ghamel, zgur li l-mahfra ma tkunx wahda mill-ewwel affarijiet li tigik f'rasek li taghmel! Ovvjament, il-gravità ta' kemm wiehed ha jhossu mwegga jiddependi fuq l-azzjoni li jkun ircieva, pero l-process tal-mahfra idum skond meta dak li jkun jiddeciedi li jhalli l-weggha warajh u allura jasal li jahfer.

Hija fin-natura tal-bniedem li wiehed ipatti lura ghal azzjoni hazina li jkun ircieva. Forsi jekk wiehed ipatti lill-avversarju tieghu, ma jkunx qed jahli l-energija tieghu, jahseb fuq modi kif jista' jaghmel dan? U wara dan kollu, flok ma wiehed ikun strieh minn dik il-weggha, ikun kabbar iktar il-mibgheda u allura jibqa' ma jistriehx.

Il-mahfra tasal ghaliha biss jekk thares lejn Kristu Msallab u titghallem minnu. Titghallem kemm hi kbira l-imhabba t'Alla li biex jahfrilna dnubietna u jaqqghadna mal-Missier, ma stmerrx jibghat lill Ibnu l-Wahdieni fid-dinja, minkejja d-drabi kollha li ahna chadnieh. Gesù kemm il-darba tkellem fuq din il-mahfra, pero mhux tkellem biss, imma ipprattikha ukoll. Sahansietra meta kien fuq is-salib, f'dik is-sura ta' tbatija, talab lil Missier biex jahfrilhom u mhux biss, imma skuzhom billi qal: "Missier ahfrilhom, ghax ma jafux x'inhuma jaghmlu" (Lq 23:34). Minjaf kemm drabi ma konniex nafu x'ahna naghmlu! Minkejja dan, Gesù jahfrilna u jiskuzana, kull darba li nersqu lejH fis-Sagrament tar-Rikonciljazzjoni.

Facli nghidu li hi impossibli li tahfer, u nieqfu fuq li Gesù huwa Alla u jien bniedem dghajjef li ma nasalx biex nahfer. Imma mhuwiex minnu li jien ma nistax nasal li nahfer. L-importanti li naghmel hilti kollha, u sincerament inkun irrid li nahfer, u Alla ma jonqosx milli jaghtini l-ghajnuna mehtiega u l-grazzja tieghu biex nasal ghal din il-mahfra. Niftakru li Alla jafna, u jaccettana bid-djughfija taghna, u zgur ma jitlobx l-impossibli minna.

Facli nahsbu li meta wiehed jasal li jahfer, tkun qed tagwadanja biss il-persuna l-ohra. Fil-verità, l-persuna li tahfer taggwadanja hafna ukoll, ghax dik l-istess rabja u mibeghda tinbidel f'ferh u paci tal-qalb. Il-mahfra ma tapplikax biss meta nigu biex nahfru lil-ohrajn, imma importanti huwa ukoll li nkunu kapaci nahfru lilna nfusna ukoll. Il-mahfra m'ghandiex limiti, infatti meta Pietru staqsa lil Gesù xi kemm il-darba wiehed ghandu jahfer, Gesù wiegeb: "Ma nghidlekx ghal seba' darbiet, imma sa sebghin ghal seba' darbiet" (Mt 18:22).

Mela naghmlu l-qalb u nersqu lejn is-Sagrament tar-Rikonciljazjoni biex nircievu l-mahfra minghand Alla u biex nircievu ukoll il-grazzja tieghu halli bhal Gesù nkunu kapaci nahfru lilna nfusna u lil ohrajn!

Il-fidi… kelma tqila biex tifhimha ghax hi twemmin ibbazat fuq ir-raguni, imma ma tistax taraha jew tippruvaha bix-xjenza. Forsi hafna jorbtu l-fidi mar-religjon, imma fil-verità tista tghid li nigu bzonnha kuljum.

It-tfal ma joqoghdux jiccekkjaw jekk fil-lunch li jkunu preparawlhom il-genituri ghall-iskola, ikunux ghamlulhom xi velenu, ghax huma certi mill-imhabba taghhom tant li ghandhom fiducja ghamja li mhux ha jtuhom affarijiet li jaghmlulhom il-hsara. Jekk mill-banda l-ohra qatt ma jkunu ircevew imhabba mill-genituri jew issir xi azzjoni li kagun taghha jitilfu il-fiducja fil-genituri taghhom, allura jiddubitaw kollox, u jhossu certa indifferenza u bruda minhabba din in-nuqqas ta’ mhabba.

Dan il-paragun hu simili tal-fidi taghna f’Alla. Hawn min ghandu fidi kbira f’Alla ghax f’hajtu kellu xi esperjenzi li kabbru fih zerriegha ta’ fidi. Issib ukoll min ikun mghammed u jkollu zerriegha ta’ fidi, izda ma tkunx intghagnet ma l-izvilupp ta’ l-individwu. B’rizultat ta’ dan, il-bniedem irrid ikabbar fih il-fidi, biex b’hekk ikun jista jaghraf lil Alla.

Ahna l-insara rridu nkun nsara vera u mhux insara fejn jaqblilna biss! Inutli nghidu li nemmnu f’Alla imbaghad naghmlu distinzjoni bejn razza, religjon u kull tip ta’ diskriminazzjoni ohra. Il-qassisin, b’mod paritkulari, ghandhom responsabilta’ kbira biex kollha kemm huma jilqghu lil kulhadd. B’hekk tittnehha din il-perspettiva hazina li sfortunatament hawn tal-Knisja. Mhu veru xejn li l-Knisja hija partit politiku iehor, kif jinstema’ jinghad fil-media. Il-Knisja waqqafha Sidna Gesù Kristu bhala komunità li flimkien f’ghaqda wahda tistqarr fidi wahda. Mela kif jista’ jkun li jigu xi nsara u jghidu li ma Alla iva, u mal-Knisja le?! Nammettu li fil-knisja saru u jsiru zbalji li habba fihom batew nies innocenti u dan huwa hazin u ta’ hsara kbira, pero ma rridux ninsew li l-knisja hija mmexxija minn bnedmin u ghalhekk hija suggetta ghall-izbalji. Xorta jibqa l-fatt li Gesù halla f’idejn l-appostli biex imexxu l-knisja, u kien jaf x’isarfu, imma b’dan wera li fid-dinja hadd u xejn mhu perfett, u li hu kapaci jinqeda bid-dghjufija taghna l-bnedmin, biex iwettaq ir-rieda tieghu.

Niftakru, li jekk ahna nsara ta’ veru, rridu nimxu dejjem wara Kristu, u ghandna d-dmir li nghaddu dan id-don tal-fidi lil kulhadd, hekk kif giet mghoddija lilna minn Missierna San Pawl.